شعري اتغير الى الاحسن بطريقة ملحوظة هو من النوع الهايش و المقصف لكن الشعرة حلوة نفسها بس اتحسن عاوزة تعرفي ازاي؟ ... خلال شهر هخلي شعرك بإذن الله يتغير الى الاحسن تغير ملحوظ و يبقى صحي ازاي؟ تابعي البوست ..
بنت عمي كانت من لنوع اللي بتصبوغ شعرها كتير وبقى شعرها مقصف و هايش و جاف بطريقة لا تصور الطريقة ديه بإذن الله نفعت معاها وبقى شعرها انعم و بيلمع وشكله صحي جدا المهم ايه السر....؟؟!
* الحنا ، يب الحناء ..من الاسرار القديمة لنظافة الجسم و التجمييل و يعتمد عليها كثير من البلدان العربية ، حتى أصبحت من تقاليد يوم الزفاف و ايضا اليوم المخصص لها و هو يوم الحنا فهي للنقش أو لصبغ الشعر من اجل التجميل الخارجي وأيضا هي للنظافة الشخصية كوضع ماسك للشعر او للجسم من الحنة .
وديه كانت نبذة مختصرة عن الحنا أو الحناء ،ايه هي فوائد الحنا ؟
بتساعد أولا على تغذية الشعر و تخفيف مقدار الدهون اذا كان الشعر دهني ، بتقاوم تساقط الشعر ، بتعالج قشرة الشعر و التهاب فروة الراس ، و بتنظف فروة الشعر وتزيل الميكروبات و الطفيليات بداخله و تجعله لامع و نظيف و طبعا فوائد كتير تانية .
انك تعملي حنا لشعرك سهلة جدا جيبي 10 ملاعق حنا او( حسب طول الشعر) مع ماء يمكن استخدام الخل لكن اذا شعرك جاف ملعقة تكفي لحد ميبقى معاكي خليط متماسك ،وحطي لشعرك اهم حاجة من الفروة لحد الاطراف ( يستحسن تقسمي شعرك لاربع اقسام ) ومتحطيهاش على شعرك اكثر من 4 ل 6 ساعات بالكتير عشان ميجفش ويتقصف وتبقى نتيجة عكسية ، ولو شعرك جاف ضيفي 3 ملاعق زيت من بتاع الشعر او حتى زيت الذرة . اعمليها مرة في الاسبوع لمدة شهر افضلي اعمليها بجد النتيجة انا متاكدة بإذن الله هتعجبك زي معجبتني بس تواضبي عليها .
# هسيبك مع وصفات تانية تبقي تجربيها برضه :
*الوصفة الاولى :
-المكونات عبارة عن:
10ملاعق حنا خضراء نظيفة (يمكنك التقليل او الاكثار حسب طول وكثافة الشعر)
3ملاعق بن
3ملاعق حلبة مطحونة
1ملعقة صغيرة قرفة مطحونة
الطريقة:
اولا :اغلي الماء في الغلاية واضيفي اليه البن و الحلبة.
ثانيا: حضري وعاء فيه الحنا وضعي والقرفة المحونة.
ثالثا :اضيفي مغلي البن والحلبة على الحنا ولكن صفي مغلي البن والحلبة وانتي بتحطيه على الحنا مع التقليب المستمر وضعي شوية شوية حتى يصير ملمسه مش سائل كتيرمتماسك .
رابعا:اتركي الخليط يبرد شوية وضعيه على شعرك بعدها يغطى الشعر ببونيه ويفضل يترك
دونها للهواء ليجففها ..
* الوصفة الثانية :
1- مقدار الحنا حسب طول الشعر ( من 10 ملاعق) حنا
2- علبة زبادي صغيرة
3- ملعقة صغيرة ليمون
4- و مغلي البابونج بالقرفة ( إختياري )
5- ملعقتين زيت الشعر (زيت زيتون ، جوز الهند أو حتى زيت الذرة )
الطريقة :
خلط المكونات مع بعض طبعا بعد تبريد مغلي البابونج ، يترك جانبا مدة ساعة وبعدها توضع على الشعر بعدها يغطى الشعر ببونيه ويفضل يترك دونها للهواء ليجففها . .
* الوصفة الثالثة :
1- 10 ملاعق حنا او حسب الشعر
2- بيضتان
3- ماء او شاي مغل و مبرد
الطريقة :
خل المكونات كويس لحد ميبقى خليط متماسك و يترك لمدة ساعة و يوضع على الشعر بعدها يغطى الشعر ببونيه ويفضل يترك
دونها للهواء ليجففها .
نصائح عند الاستخدام :
- يفضل وضع الحنا على شعر نظيف و منغير اي زيت .
- استخدمي قفازات أثناء التعامل مع الحنا لعدم صبغ اليدين بلون لا يرغب فيه
- إستخدام المشط اثناء وضع الحنا لتتوزع جيدا داخل الشعر .
- يفضل عدم استخدام الشامبو اثناء غسل الحنا ولكن اغسليها به اليوم التالي بالشامبو .
- أصحاب الشعر الجاف رطبوا شعركم جيدا بالزيوت اليوم التالي أو
ممكن تحطي زيت اللوز مسحه باليد و ادهنيها في شعرك قبل عمل الطاقية.
- الحنا ممكن تصبغ خلف الراس و الجبهة امسحيها اذا تعرضت للحنا او ضعي عازل او ادهنيه بالفازلين .
- أحسن حاجة بعد متستحمي وشعرك شبه ناشف تعملي طاقيةأوالدوامة اللي هي بالبنس(لفرد الشعر طبيعيا) .( لو مش عارفة تعملي الدوامة ممكن اعمل بوست عنها ) هيفرد شعرك وهيبقى وااااااو طبيعي .
* النصائح من خبراء و عن تجريب .
#fasatynHD تابعونا على مواقع التواصل الاجتماعي
في أمــان اللــه :>>
